Clases gratuitas de
Historia da Arte
Segunda Edición | 2003-2005

introducción | características | programa

Introducción

O sistema educativo actual ten moitos detractores e alguns defensores; pero algo innegábel é que certos aspectos, como o ensino artístico, están prácticamente abandoados.

Unha das máis graves carencias da educación hoxe é a formación en historia da arte, que segundo observamos no noso alumnado, é moi deficiente. Figuras como Durero, Caravaggio ou Max Ernst... estilos como o románico ou o neoclásico son perfectos descoñecidos para a meirande parte da mocidade e adultos.

Para paliar dalgún xeito esta situación, a Escola Aberta de Arte ten unhas clases gratuitas de Historia da Arte, ás que non só os nosos alumnos senón calquera a quen lle interesen, pode asistir libremente.

Este curso xa se ten dado entre os anos 2001 e 2003, e en vista do éxito da iniciativa, tras un pequeno descanso volvemos a programá-lo.

Partimos esta vez coa experiéncia do primeiro, o cal se materializa en algunhas novidades:

1. Un programa no que xa incluímos as catro clases engadidas ao orixinal (Románico e Gótico por separado, clase adicada ao Manierismo, clase adicada ao Modernismo e clase adicada ás alternativas á Arte Oficial dos séculos XX e XXI).
2. Un taller complementario, algo que foi solicitado polos alunos, e no que imos falar máis en detalle das épocas estudadas no Curso Gratuíto. Este será un taller de unha hora e media de duración, un día por semana, e farán-se visitas a museus, exposicións e monumentos alén de atividades e exercícios práticos. Contará tamén con médios audiovisuais como vídeos e presentacións, audicións de música e cinema. O prezo do taller será moi económico.

Características

As clases teñen lugar na Escola Aberta de Arte (Sol 11, baixo (esq. Lugo)) unha vez ao mes desde o mes de Outubro do 2003, até o mes de Setembro do 2005.

A profesora é Pilar Freire Rodríguez, licenciada en Historia da Arte.

Duración total: 60 horas.
Para asistir a estes cursos só é preciso inscribir-se na propia escola ou por teléfono ou e-mail.
Prezo: grátis (de balde, cero euros).

Cada clase dura duas horas e média, desde as 7 ás 9,30 da noite.
Celébranse o último venres de cada mes.
No caso de que o último venres dun mes sexa festivo, a clase dará-se o venres da semana anterior (datas indicadas na táboa en cursiva).

Os alumnos poden asistir ao curso inteiro (24 clases), ou a clases soltas .
Ao final do curso poderáse solicitar un diploma acreditativo do curso, só cando se fixo inteiro.
Tamén é posíbel obter un xustificante nada máis polas horas ás que se teña asistido.




Programa