Escola Aberta de Arte

Tertulias de Arte
Coincidindo co comezo do tratamento da avangarda artística nas clases de Historia da Arte gratuítas, os primeiros luns de cada mes (desde o 3 de Febreiro de 2003) ábrense as nosas Tertulias, desde as 8 da tarde en adiante. Están abertas ao público en xeral e nelas participan dous profesores da Escola: Pilar Freire, a profesora de Historia da Arte, e Anxo Varela, profesor de pintura.

Clases gratuítas de Historia da Arte
Continuamos co curso gratuíto de Historia da Arte, que neste ano 2003 aborda a súa recta final co estudio das avangardas artísticas históricas. Logo de facer un repaso novidoso no seu programa e non exento de polémica á arte contemporánea entraremos na arte feita en Galiza desde as orixes ata agora.

Exposicións
O sábado 25 de Xaneiro fomos de excursión a Coruña para visitar dúas mostras importantes: Picasso Joven (Fundación Pedro Barrié de la Maza) e a de gravados de Piranesi (Fundación Caixa Galicia). Aconsellámosvos visitalas antes de que terminen.
Asimesmo sabede que en Cafeto hai unha exposición de Carmen Martin chea de teteiras.
En poucos días recolleremos a exposición de traballos dos nenos da Escola que está aínda no Centro Comercial Porta Nova.